I in the States for 25 years, but mih Trinbago twang —(accent) never leave mih. Oh Gosh I is ah Trini to de bone… Oui.

Well yes, ah really doh know nah! ah does fall asleep as mih head hit de pillow, an’ last night ah loud noise wake mih up, round midnight. Ah thought it was fireworks because 4^th ah July is round de corner, den, ah see ah flash an thunder roll, so ah get up to maco —(to spy) an ah look through de window… hmm, Papa yo! Yuh talk ah bout rain! Oui Foute mamma yo, lightening flash brightening up de whole place. Ah dive back in bed... Oui. Lord have mercy…