Trinbagonians talk. (190) Me eh Adding no Sauce

Some people did teach me a good lesson. Dey use to come an’ tell me stories about dis person an’ dat person an’ foolish me used to give meh opinion. De next time ah hear about de story is always Allison tell dem dis an’ dat. Ah suddenly become de author of de story. Ah use to be flawed when ah hear dat. When anybody start to tell me anythin’ dat go cause confusion, ah does tell dem to stop! Doh tell me notin’ Ah doh want to hear.